حوار بين 3بنات ن/س/ل
ن:أنتى يابنتى لحقتى تنسى اللى قبليه ده معدش غير 5شهور على أنفصالكوا
و كنتى بتقولى برده انكوا بتحبوا بعض تفتكرى ده هيختلف عن غيره فى ايه
هتبقى نفس النتيجه عياط و انهيار و قلب مكسور ينوبك أيه بس من ده كله
س/يابنتى انتى مش فهمانى مفيش حد فاهمنى أنا عمرى ما هنسى حد مفيش حد بينسى حد و خصوصا لو كنتى بتحبى الحد ده فبيقبى صعب تنسيه
بس أنا دايما بشوف الحب زى اللمون
ل/هههههههه لمون أنتى بتهزرى بقى
س/يا جماعه مش بهزر لأ
ل/هههههههه لمون أنتى بتهزرى بقى
س/يا جماعه مش بهزر لأ
عارفين اللمونه الصفراء, الطازجه
اللى تغرينا نمسكها و نستنشق عبيرها النفاذ ده
ريحتها اللى تنعنش الروح والقلب والعقل
و من غير ما نشعر نبقى عايزين نتذوقها
و أول ما نضع لسانا و نتزوق العصاره المززه بشكل رهيب و ممتعه بشكل غريب
فتحصل قشعريره بالجسم تجعل كل الحواس تستيقظ و تنتصب
وبسرعه يضيع الاحساس ده كله
و نلاقى الباقى هو الطعم المزز الرهيب
اللى يخلينا نقول أحنا ليه تذوقناها بس
و بعد فتره تضيع المزازه و الطعم ده
و تغرينا من جديد لمونه صفراء,طازجه
هو الحب كده بالظبط
اول مانلاقى حد مناسب جدا نشوفه زى اللمونه ديه تمام
و نروح ونقرب و ندوق و ندوب وننعش حواسنا و أروحانا
و من غير ما نحس نلاقينا أتعلقنا بالأنسان ده ودوقناه=حبيناه
و اتمتعنا بطعمه اللى هى أحلى ايام قضناها معاه
وبعد كده تحصل لحظة الفراق اللى هى المزازه بتاعت الحب
و يانندم ونقول ليه بس تذوقناه=عشنا أيامه
يا نقول أيام حلوه وعدت
و بعد فتره نتأقلم مع ألمنا و نتناساه
و لو كنا محظوظين كفايه نلاقى حد مناسب تانى=لمونه صفراء تانيه
تغرينا من جديد و تحيينا من جديد
وفى كل مره نروح لليمونه أقصد الحب يعنى نبقى شايلين أمل جوانا
أن ديه اللمونه اللى هتكون معسله مش مززه و مهما شربت منها مش هتخلص
أن ده الحب الحقيقى اللى هيدوم مهما حصل
اللمون و الحب واحد مع اننا عارفين العواقب بنروح ليه برده
لإن أحتياجنا إننا نحى قلبنا أكبر و ننعش روحنا
من أحتياجتنا الاساسيه التى تفرضها علينا إنسانيتنا........
ن,ل/...مممممممم.....تصدقى خليتنا عايزين نشرب عصير لمون دلوقت
~~قصه تحمل مجرد رأى~~
ن,ل/...مممممممم.....تصدقى خليتنا عايزين نشرب عصير لمون دلوقت
~~قصه تحمل مجرد رأى~~
هناك 8 تعليقات:
هو الليمون رخص للدرجة دي
؟؟؟؟؟؟؟
بمعنى؟؟؟
هو الليمون لما يكون زى الحب ده معناه انه رخيص ولا يبقى غااالى جدا فى القيمه
زي الحب اه كدة غالي
بس لما يكتر يبقي رخيص جدا
ده مش حب اساسا ده تخبط و البنت لسه فى مرحلة المراهقة الفكرية و العاطفية
غير معروف
مش كل حاجه بتكتر بتيقى رخيصه
تيرز
يمكن هى كانت محظوظه كفايه بأنها بعد قصتها الأولى تلاقت مع حد مناسب تانى....
و يمكن فعلا هى بدور على الحب فى وسط الناس اللى شيفاهم مناسبين...
و يمكن الموضوع كله لا حب ولا حاجه مجرد بحث دؤوب عن الأنسان الصح...
و يمكن فى قلوب مهما كبرت بتفضل مراهقه بتعرف تحب مية مره و إلا مكناش كلنا سمعنا عن الحب الاوانى فهل ده معناه أن فى حب تانى و تالت؟؟....
و يمكن زى ما بتقولى أنها فى مرحلة المراهقه و بتخبط....
لطالما موضوع الحب و المشاعر ده كان موضوع محير و أختلفت مفاهيمه
نورتينى يا قمر
بنوته
وحشتيني علي فكره
جدااااااااااااااااااااااا
بنت انتي المزيكا عندك تحفه
بعد ما بخلص قرايه بعد اسمع فيها
بالنسبه للمون بقي
كده يبقي الحب رخيص قوي
وده شئ اناا مش اواافق عليه
حبيبة قلبى يا حنون
منورانى يا قمر والمزيكا حلوه علشان انتى اللى سمعاها.
بالنسبه للمون بقى
أقولك ايه فيه؟؟ ان ديه نظريه ليها جزور واقعيه..يمكن يكون الحب رخص فى زمانا ده فعلا...ويمكن يكون تطور مع الزمن زى ما كل حاجه بتطور
بس على رأى أحمد السقا لما قال يبقى ابن...اللى يقولك هو عارف الحب ده ايه.
إرسال تعليق