رفيقة العمر

أقولك سر سعات بجيب صورتك
و أقعد أتملى منك و أفتكر اللى كان
كل الذكريات قصص و حكاوى زمان
و بتنهيده أقفل الصوره
لكن جوه منى تتفتح مية صوره
لينا فى المدارس بالمريلة الكحلى
فى دكه حفرنا أسمى انا و انتى
فى حصة أتكلمنا و على أسرارنا قولنا
تتفتح مية ذكرى لينا فى الجامعه
مع أول حيرة و كسرة قلب
مع أول قصة حب
مع طرق فكرانا مش نسيانا
كنا فيها تهنا أو كنا نحب هدؤها
مع حمص شام على الطريق
أو فطيرة من محل لما قفل زعلنا
و سندوتش فول او حوواشى على مترو أكلنا
و تحويشة أسبوع علشان نروح سنيما
جوه منى مية مكالمة
فى الطريق من الشغل نونس بعض
أخبار صحابنا القدام
أحلامنا فى أننا نعلى أزاى
تشجيعنا لبعض على طاعة الله
أقولك سر يا رفيقة العمر
بجيب صورتك و أقفلها و أنا زعلانه
و مية سؤال جوايا
عن ليه أتغيرنا؟!
و ليه أفترقنا ؟!

قلوب

 

 يا بخت مَن حب بنص قلبه
و بالنص التانى حب بيه نفسه
و يا عينى على قلب حب بكل ما فيه
ما عنش حته لنفسه
يا بخت قلب لقى قلب يقاسمه همه
و عمل منه حيطه يتسند عليه
من غير ما يقوله تعبت, ليه, و علشان أيه
و يا عينى على قلب شال كل الهم
و لقى سعادته فى ضحكة قلب
مبيسألش حتى عليه
يا بخت قلب لقى قلب يمسحله دمعه
يرسمله بسمه فى عنيه
و يا عينى على قلب مسح الدمع
و فى الآخر بكى وحده
و يا مقسم القلوب للقلوب
ريح كل القلوب و من ضمنهم قلبى ♥

لما

لما تبطل تحاول

و تسيب الحبل من أيدك
لا تشد و لا ترخى
بس تسيبه و تمشى
------------------------------
لما تطلع برا الدوامه
و تبطل تلف فى دواير
-----------------------------
لما يكون كل شىء غير منطقى
فترحل عن كل حياتك
تسيب نفسك وراك
---------------------------------
لما تتعبك الأيام
و الحزن يعلم فى ملامحك
و يكتر تجاعيد وشك
------------------------------
لما يحكى شعرك الأبيض
حواديت زمانك
-----------------------
مش شرط تكون عجوز عديت الخمسين
بس ممكن تكون شاب كبر قبل أوانه بكتيييير

زحمة فى راسك

لما يكون فى زحمة فى راسك
أزحم من أى ميدان
و تكون وسط الزحمه دى طفل
مبرق للناس
و فى وسطه الزحمة تضيع أفكارك
شرق و غرب .. يمين وشمال
تيجى هنا و تروح هناك
تلملم نفسك تجمع حالك
و تقعد فى أى مكان
تبعتر ورقك و تشوف مالك
و ليه مايل الحال؟
و متلقيش و لا أى جواب
تشد شعرك تخبط راسك
و تروح تنام
ساعه ساعتين متطولش
كأنك وراك الديوان
و صفارة فى عقلك تضرب
تصحيك من أحلى منام
تقولك فك العركه فك الشبكه
وبعدين روح نام
فكرك رايح جاى
و أيدك على الخد كمان
و انت رايح جاى
و مفيش ولا أى جواب
مفيش هوا نفسك قطع
أتاريك نسيت تاخد نفس
وسط زحمة الميدان

قصتنا ليست بخيالية

عزيزى قصتنا ليست بخيالية
لست بفارس و لست بأميرة
قصتنا تنتمى لأرض الواقع
حيث تنعدم كل الأحتمالات
تُقتل فيه كل الأحلام
تُحاول مرار و أُحاول مرار
و تأبى محاولاتنا النجاح
قصتنا لا تملك القدره على الأرتفاع
لملامسة النجوم و مؤانسة القمر
لا تملك القدرة على التغير
لتنتمى إلى عالم خيالى
لتحتوى على جنيات تحقق الأمانى
قصتنا......لا تنطوى على اى قصص
فقط كنت تبحث عن العقل و وجدته
فقط كنت أبحث عن الأمان و وجدته
ثم وضِعت نقطه و نفذ الحبر و الورق
لا شىء آخر نكتبه لا شىء آخر يقال عنا
و لن يتذكرنا الزمان.

دحكة

لما أحط وش بيدحك :) صدقها
و متسألش أيه اللى ورا الدحكه
أيه اللى جوا الروح
سيب الروح للى خلقها
يداوى ليها جروحها
و يمسح دمعها
يخلقها من جديد
يلبسها توب جديد
أو يرفعها للسما

عنك أنت

 عنك أتكلم
عن بسمات و أمانى
تسبب أحلام اليقظة
عن فرشات صغيرة فى السماء
عن روائح الفاكهة النضرة
عن هواك
عن أجنحة بيضاء
مفرودة بحرية فى الفضاء
عن نسمات رقيقة
تحيي الأجواء
عن يد فى يد
تسبب الأمان
عن نظرات
تتسبب فى أزدياد الأشواق
عن خجل و حمرة خد
لم تكن فى الحسبان
عن كلمة يهواها القلب
فى هواك
عن أحبك ... لك أنت ♥


 

عقلا فى قلبى

يروننى مجنونة و لم أعلم يوما لما !!!؟؟؟
و لأنى مقتنعة أنى أملك عقلا فى قلبى و ليس رأسى
يؤهلنى للأحساس بالصراخ و ليس فقط سماعه
فأرى بالبصيره و ليس بالعين
كم هم مجروحون كم هم منكسرون
حجم الأمانى الضائعه روعة الأحلام المنسيه
فأحزن لهم كثيرا
أغضب منهم أكثر
فأصرخ عليهم.... لا تنسوا الأحلام
فهى من تجعلكم من بنى الأنسان
و لأن العقل قد ذبل
فانطوى الأحساس
و البصيره قد فقدت من دمع الأيام
أظل أنا هنا و هم هناك
مساكين هم و لو يعلمون
لرآونى عاقله برغم ما قذفونى من جنون
كما آراهم عاقلين برغم ما بهم من جنون

                          ~ يوميات واحدة مجنونة ~

من يحميها ؟؟!!

فى حياتها الأخرى....لا يهم
حياتها السابقه, القادمه, أو الحاليه
هناك رجل يَدعى إنهُ حَميها
أُليس مثير للسخرية
أن يكون من يحميها
هو نفسه من يؤذيها!!!
لذا يبقى السؤال...
....لِما البقــاء؟؟؟
------------------------------

تنظر إلى المرآه و تحمد الله على مساحيق التجميل
فبدونها قد يعرفون حقيقته
تورم الشفاة...أزرقاق العين
و حمرة الخدين من عنفه
ثم ....
أحتضان قوى يجتمع فيه حنان الأب و الحبيب
دموع ندم
و كلمة....آسف
قبلة لشفتيها مليئة بالأسف
قبله من شفتيها مليئة بالضعف
نهار جديد
مساحيق تخفى ما حدث بلليل الأمس
نظره من عينيه
و جمله مجامله
لطالما كنتى أجمل بدون تبرج
نظره لعينيه
بسمه على شفتيها
و حديث فى عقلها
لطالما كنت أجمل بدونك
فلعنة على حب شوهنى حتى النخاع
وقيدنى بك

حكايات

أنا فى هذا الكتاب و مدونون و كتاب آخرون أكن لهم كل الأحترام فأحرص على شراءه خيمة 2 جناح دار الحلم بمعرض الكتاب
أسماء المشاركين بالكتاب
1- ولاء سمير أخوها .. راجل البيت..
2- أحمد عبد العزيز .. صباح الخير ..
3- زينة زيدان الحواجري .. أنا والقلم ....
4- شيرين سامى .. ستبقى ....
5- سهاد عبد العزيز علي "تقريباً اتكعبلت"
6- محمد أحمد الناغي .. عبد الله قصة قصيرة
7- محمد أحمد جعفر .. أنت كاذب ..
8- إيمان زيتون .. عندما بكت المرآة ...
9- محمود كرم الدين ... لحظاتك اختيارك
10- نهى صالح .. المرأة مفتاح كل كارثة
11- إسماعيل حامد .. متسللة
12- أفنان محمد الميجى .. عبيد تعشق بوس الأيد ......!!!!
13- آية محمد عبد الكريم .. شجرة بلا أوراق
14- فاطمة ماضي .. ندائي إليك ...
15- مصطفى فوزي .. لم تعرف بعد ..
16- رؤى عليوة .. على باب البحر ....
17- سارة بدر .. الزوجة الثالثة ..
18- إيمان وصفي الدين .. عبد الله
19- شعر/ علي محمد عكيلة .. مــــنـــاجـــاة
20- شذا وحيد .. أوراق محترقة ..
21- هبة مرسي .. الحل الأمثل..
22- هبة فاروق فهمي .. ثوره عود كبريت ..
23- محمد صلاح زكريا .. ظُلمـة النهــار..
24- هشام نصار ..
25- ولاء المصري .. وهجه يستنطق الوصف
26- أحمد الدسوقي .. الناس مبقاش عندها أخلاق ..
27- عائشة بكير .. الشعب يريد أخلاق الإسلام
28- نرمين كحيلة .. الموت أرخص
29- أحمد صابر موسى .. شعب سوريا الاحرار
30- ماهينور سلامة .. النسيان
31- شروق إلهامي .. ابتعد .. لا تدخل الكواليس
32- أسماء إيهاب .. امرأة أُخرى.
33- سعيد هلال .. ملفات أمام الرئيس مرسي
34- علي حسين .. في حب مصر
35- غادة قدري .. لحظة انتظار
 36- حنان أسامة عبد الحميد .. خاطرة
37- حورية محمد .. العودة للمنار
38- نهى الماجد .. إلى الروح
39- ريحاب عبد الخالق .. فن السيرك
40- محمد فهمي الزحاف ..
41 ــ رحاب عبد العال " الموعد