قول معايا

اللهم لا تعلق قلبى بما ليس له و أجعل لى فيما أحب نصيب
اللهم لا تأخذنى إلا و انت راضى عنى

الأحد، 15 فبراير، 2015

عن خيانته لها



سخيفة هى تشعل من أجله الشموع كل ليلة و هو قد يأتى أو لا
إن تواجد فى الصباح ترسم أبتسامة هادئة على شفتيها و هو لا يلاحظ
و تضع عطر حالم وردى أحبه فيما مضى و هو لا يعبأ به
تبعث له برسائل الحب و تهاتفه لتطمئن عليه و هو يتصنع الأهتمام
سخيفة هى تظن أن شموعها و أبتساماتها و رسائلها وعطرها الوردى أسلحة كافية فى مواجهة خيانته
تظن أنها محاربه و هى تراهن بعمر ينقضى على شخص لن يغلبه أبدا عشقها له
سخيفة هى تدعى أنها صماء حين تسمع رنين هاتفه منها
تدعى أنها عمياء إن رأت رسائلها له
فتنكر صريخ صمتها فى أن يتكلم
تنكر كسرة نفسها و تدعى القوة
تنكر رغبتها فى من يتفهمها و يخبرها بأحب كلمات الحب
تنكر طفولتها فى من يحميها و أنوثتها فى من يحويها
تنكر كل شىء واهمة فى أنها قد تنتصر و يرجع لها محبوبها
تظن أنه لا يزال يحمل فى طيات قلبه بقايا حبها
سخيفة هى من يحب لا تخطر له الخيانة
سخيفة هى تضع عطر الحب و الأمل و يضع هو عطر الامباله و الخيانة
سخيفة هى لكنها قوية لتحملها كل هذا

الاثنين، 12 يناير، 2015

مشتاقة ليك


مشتاقه ليك لضى عنيك
لأحلام بنيناها 
عمرنا ما نسيناها
حققنا منها كتيير
مشتاقه ليك لحضن أديك
لسنين عدت علينا
عمرنا منها ما أشتكينا
مشتاقه ليك لنبض قلبك
اللى رسمنا بيه
عالم ليا و ليك
مشتاقه ليك لكلمة بحبك
اللى بيها لونا الطريق
و أعلنا الفرح سبيل
مشتاقه ليك
و لو تعرف
هتفضل ليا دايما صديق
عمرك ما فى يوم هتبعد
و تفضل ليا قريب و حبيب

الثلاثاء، 6 يناير، 2015

رساله إليها



إليها فقط كل الود الحب الصفاء 
 هى البراءة و الهدؤ
معها تكن الحياة
بها تحلو الأيام
هى المعلم
آلتى للسفر عبر الماضى
وسيلتى للمرور بالحاضر إلى المستقبل
هى الأحلام
بصمتى فى الحياة
تذكرتى للجنة
دعمى عند الكبر
هى أبنتى 

الخميس، 5 ديسمبر، 2013

رفيقة العمر

أقولك سر سعات بجيب صورتك
و أقعد أتملى منك و أفتكر اللى كان
كل الذكريات قصص و حكاوى زمان
و بتنهيده أقفل الصوره
لكن جوه منى تتفتح مية صوره
لينا فى المدارس بالمريلة الكحلى
فى دكه حفرنا أسمى انا و انتى
فى حصة أتكلمنا و على أسرارنا قولنا
تتفتح مية ذكرى لينا فى الجامعه
مع أول حيرة و كسرة قلب
مع أول قصة حب
مع طرق فكرانا مش نسيانا
كنا فيها تهنا أو كنا نحب هدؤها
مع حمص شام على الطريق
أو فطيرة من محل لما قفل زعلنا
و سندوتش فول او حوواشى على مترو أكلنا
و تحويشة أسبوع علشان نروح سنيما
جوه منى مية مكالمة
فى الطريق من الشغل نونس بعض
أخبار صحابنا القدام
أحلامنا فى أننا نعلى أزاى
تشجيعنا لبعض على طاعة الله
أقولك سر يا رفيقة العمر
بجيب صورتك و أقفلها و أنا زعلانه
و مية سؤال جوايا
عن ليه أتغيرنا؟!
و ليه أفترقنا ؟!

السبت، 17 أغسطس، 2013

قلوب

 
 يا بخت مَن حب بنص قلبه
و بالنص التانى حب بيه نفسه
و يا عينى على قلب حب بكل ما فيه
ما عنش حته لنفسه
يا بخت قلب لقى قلب يقاسمه همه
و عمل منه حيطه يتسند عليه
من غير ما يقوله تعبت, ليه, و علشان أيه
و يا عينى على قلب شال كل الهم
و لقى سعادته فى ضحكة قلب
مبيسألش حتى عليه
يا بخت قلب لقى قلب يمسحله دمعه
يرسمله بسمه فى عنيه
و يا عينى على قلب مسح الدمع
و فى الآخر بكى وحده
و يا مقسم القلوب للقلوب
ريح كل القلوب و من ضمنهم قلبى ♥