عن الجهل و العلم أتكلم

لا زال من لا يعلمون بيننا و الأدهى أنهم يرفضون العلم
فهل هذا
لأن الجهل يوفر لهم اليقين بدون تعب؟
و لأن العلم يدخلك دائرة شك متسعة دائما ؟
لأن العلم يعطيك الأختيار و هو حقك كى أن تكون أنسان ؟
ففى الجهل تؤمن بآراء شخص فتؤمن بالشخص ذاته و قد تتبعه إلى الهاوية إذا هوى
أما فى العلم تؤمن بالله و تسمع الآراء فتستفتى قلبك
ليكون لك أتجاه رأى خاص بك قضيه تعمل لها حلم منفرد

قد يزيد العلم العالم هما لكنه لا يجرده من أنسانيته
أما الجهل فيزيد الجاهل أيمان أعمى بالباطل فيجرده من أنسانيته

فهل حان لك أيها الجاهل الوقت لتكتشف دهاليز عقلك الذى أغمرتها بسواد جهلك؟؟ هل حان لك ان تحيي قلبك الذى أماته إتباع الباطل؟؟

لا لا أقول لك أن تتبع عالماً بل أقول لك أن تكون عالماً

*الصورة من مدونة دموع قد تكون حزن أو فرح

لأننا رزق

جلس آدم وحيدا فى الجنة
يتمتع بجمال الجنة و نعم الله عليه
إلى أن أستوحد فطلب من الله ونيس
يستأنس به و يتسامر معه
فخلق حواء من ضلعه و هو نائم
و بهذا يكون آدم سأل الله و دعاه
و هكذا أستجاب الله لآدم و رزقه بحواء
فإن لم نكن بذا الأهميه كما يزعم الرجال
إذا بعقلكم القاصر لما سألتم الله ليخلقنا؟
و لم تتمنونا و تفتقدونا سرا؟
و لم تحتاجونا عندما تشتد الأزمات؟
لأننا المسكن و الونيس
لأننا جزء منكم
فنعم أننا رزق
ونعم أننا من نعم الله على آدم

for the rest of my life >>> maher zain

رمضان كريم

من غير كلام أهو جه يا ولاد
رمضاااااااان كرييييم
طب ليه كريم؟؟
علشان فيه نقدر نعمل حجات كتير
أهمهم التوبة و طلب المغفره من الله
علشان فيه اللمه و صلة الرحم
معاكوا ان اللمه مش زى زمان بس موجوده
اى نعم فى عادات كتير اختفت
بس لسه رمضان بينور شوارع مصر كلها
بالرغم من حالها الغير مستقر
لسه رمضان ليه ريحة الكنافة
و صوت لمة العيلة
و الأكل الكتييييير اللى بعديه بنأنتخ
خلاصة القول
الكريم هو من يحضر لمن حوله ما يفيده و ينتفع به
و رمضان بيعمل ده بيجيب لينا ده
بيفيد الروح و الجسد و بيعلمنا الصبر
علشان كده بقلكوا
رمضاااان كررررررريم عليا و عليكوا :)

صور

لأن الصوره تحمل 1000 معنى

فحين لا أمتلك الكلمات

أدع الصور تتكلم

ـــــــــــــــــــــــــــــــــــــــ

عذرا لك يا قلم

أعلم انك تملك الحبر

عذرا لك أيتها الأوراق

أعلم انك بيضاء 

و لكنى لا أملك الكلمات

::

::

ــــــــــــــــــــــــ

يا كريم الوجه غثنى قبل أن يفنى أصطبارى

مليش غيرك يارب

::

::

ـــــــــــــــــــــــــــــــــ

مش عارفه أقول ايه لما يهون على عصفور فراق حد قريب منه

و البشر لأ

يبقى أحنا فى اى زمن؟؟

زمن ملعون

::

::

ــــــــــــــــــــــــــــ

الصراخ أحسن تعبير عن ما بداخلنا

لكنى أقصد الصراخ الذى لا يسمعه البشر

الصراخ الذى صداه يرجع لنا ولا يسمعه إلا ربى

::

::

ـــــــــــــــــــــــــ

الموسيقى بتتكلم كل اللغات

و بتعبر عن كل الأحاسيس

و بتقول دايما الحقيقه عكس كلام البشر

مليان بالكدب

::

::

ـــــــــــــــــــــــ

زمن جميييييييل

أنتمى إليه

::

::

ــــــــــــــــــــــ

كان يا مكان

؛

توتا توتا فرغت الحدوته

::

::

و الله لو عملت قرد

هيمشى هيمشى

هو الوقت طبيعته انه يعدى عليك ولا يهدى

أومال إزاى نقدر نقو خلصت الحدوته؟!

::

::

ـــــــــــــــــــــــــــ

 

أووووووف بقى

ما قلنا الحب أصبح من الموارد الغير متجدده

و لكثرة أستهلاكه أصبح نادرا

مما يعنى فرصك ان تجده شبه معدومه الآن

و معدومه و بلا أمل مستقبلا

::

::

ـــــــــــــــــــــــــــــــ

يوماً ما كنت هكذا

::

::

لكنى لم أعلم يوماً كيف انتهى بى الوضع هكذا

::

::

ـــــــــــــــــــــــــــ

لسبب ما أعشق هذه الصوره كثيرا

::

::

ـــــــــــــــــــــ

قصه من القصص

::

::

ـــــــــــــــــــــــ

كل ما اشوف البحر

أفتكر البحارين

و أقول 

مسكين البحار إلا ان قلبه كبيير سايع البحر صديق لكنه ما بيرسى يوم على يابس

بس يا ترى كده يبقى مسكين و لا ذكى؟

::

::

ـــــــــــــــــــــــــــــــــ

أحسن تستاهلى حد قالك تفتحي ليه

ما كنتى قافله القفص

بس يفيد بأيه الندم

بعد اللى حصل ما حصل؟!

::

::

ـــــــــــــــــــــــ

لو بس نبطل نبص ورانا هنرتاح

::

::

ــــــــــــــــــــــــــــــ

نفسى أنا اوى فى السقوط ده

::

::

ــــــــــــــــــــــــ

حياتنا بأختصار حرب ضد كل حاجه

أعداء من كل ناحيه

الشيطان,الدنيا,البشر

::

::

بس ألعن حرب هى الحرب ضد نفسنا!!

و لأن بعض الحروب لا تنتهى سنظل نحمل سلاحاً

بشكلِ او بآخر

بالرغم من إننا كلنا منهكون

 ::

::

و أصبح من الصعببب

مد يد العون لبعضنا البعض

مع اننا 

نغرق نغرق نغرق

::
::

و لأن كلماتى أنهكها

الحزن و الفراق

و كل المشاعر المظلمه

و الزكريات الحارقه

التى أصبحوا الحال الدائم من حولها

فسيظل الحبر داخل القلم

و ستظل الأوراق بيضاااء

هواء,ماء,تراب,نار

كلنا عارفين أن عناصر الارض 4 هواء,ماء,تراب,نار

طيب شوفتوا فيلم اسمه the last air bender 

الفيلم ده جعلنى أرى شيئا ان أضعف عنصر فيهم هو النار لأن ممكن يخمد من قبل العناصر الباقيه

و أن أقوى عنصر فيهم هو الهواء لأنه ممكن يتحكم او يغير من طبيعة الثلاث عناصر الباقيه

بأستطاعته يخمد النار...و يغير من حالة الماء(المد و الجزر)...و يحول التراب لطين أو يعمل منه عاصفه ترابيه

فعلااعتقادنا فى ان النار أقوى من التلات عناصر و أن الهواء هو أضعفهم هو لأكبر أعتقاد خاطىء

يمكن لأن ارتبط أعتقادنا بما قاله المنجمون و أصحاب الفلك عن أبراجنا و نجومنا و إلى أين ننتمى من التلات عناصر

فقد قالوا ان الشخص النارى هو شخص حاد الطباع و أن الهوائى هو من يتحكم فيه هوائه

و لكنهم لم يذكروا أن الشخص النارى قابل ان يتحكم فيه شخص ينتمى إلى أى من ال3 عناصر الباقيه

بالرغم أن  الهواء هو الأقوى إلا أنى أحترم الماء كثيرا و أفضل قدراته لسبب ما او لآخر

( بيعجبنى فيه أصراره على تفتيت الصخر من خلال موج البحر.)

المهم ان يبقى السؤال اى عنصر تفضلون أكثرو لما؟؟؟

صرخه مصريه من كندا

المو ضوع هذا منقول من مونة دموع قد تكون حزن أو فرح بعد موافقه صاحبة الموضوع على نشرى له. حبيت أنشره لأنه يجب أن يسمع

و الحوار ده بين صاحبة المدونه تيرز ومواطنه مصريه مسيحيه بكندا.


وصلتنى الرسالة اسفل و وجدت انه من الافضل عرضها عليكم بعد ان استئذنت صاحبتها

تيرز العزيزة

الرسالة دي بكتبها وأنا في حالة غير عادية وممكن أكون مشتتة وكلامي مش واضح. أنا حزينة جدا لدرجة مرعبة. حزينة على بلدي اللي بحبها قوي. حزينة على الكره بين أهل البلد الواحد. أنا خايفة قوي على مصر يا تيرز. مصر اللي عرفتها وانا صغيرة. اتربيت في بيت مسيحي عادي. دلوقت بس ادركت ان معظم أصحابنا مسلمين. عمري ماسمعت أي تعليق عن الحكاية دي في بيتنا. لما أبويا مات معظم اللي وقفوا جنبنا كانوا مسلمين أصحاب وجيران وقفوا جنبنا بكل حب.

بأفتكر صاحبتي في المدرسة اللي اكلت عندها أحلى طبق فول وخيار مخلل. كنت في بيتها وهم بيصلوا وراحت معايا الكنيسة علشان كانت بتحب وعظة كاهن مليانة حب وسلام. كنت باستغرب لما كانت بتعيط وهي بتسمع الوعظة. لا أنا بقيت مسلمة ولا هي بقت مسيحية بس أكيد بقينا ناس أحسن.

بأفتكر اليوم المنيل لما قلت تعليق عن سلوكيات واحدة جارتنا كانت راقصة ويومها سمعت من أمي المتحفظة ما لم يسرني وإزاي كانت مصدومة من حكمي على الناس وإزاي قالتلي إن جارتنا دي دايما بتصبح علينا لما تشوفنا وإزاي كانت مشغولة على اخويا في أيام حرب أكتوبر. وده برده فكرني بالجواب الصغير الوحيد اللي بعته اخويا ومحتفظة به من أيام الحرب وكان بيقول فيه بكتب لكم من قطعة عزيزة من أرض مصر. كان طبعا بيقصد سيناء. بافكر ممكن كنت أحس بايه دلوقت لو كان استشهد وانا باسمع إننا مش مصريين وضيوف على البلد دي.

بأفتكر مرة واحد صاحبنا بعد مناقشة معايا قاللي إنه ماكانش يفتكر إن المسيحيين بيحبوا مصر بالشكل ده. كان فاكر إني حافرح وماكانش عارف اد إيه جرحني لما خلاني اواجه الواقع المر إن الناس شايفانا مش مصريين كفاية.

بأفتكر الكوافير اللي كان لازم يقوللي وانا باديله الفلوس (إنشالله تسلمي) وانا اقوله (ده بعدك) وواحدة تقولي اسلمي وانا اجوزك ابني ونضحك وكل الستات المسلمين في المحل يضحكوا بدون حساسيات.

بأفتكر أيام المدرسة لما ماكانش فيه مدرس دين مسيحي لفترة وسابوني اتواجد في حصص الدين الإسلامي. كنت بحفظ كويس وابويا قاللي القران حيخليكي كويسة في اللغة. لما كان حد من الطلبة ميعرفش يقول السورة كان المدرس يطلب مني اقولها ويبهدل الطالب ويقوله المسيحية حافظة أحسن منك.

بأفتكر لما طلب منا نكتب موضوع انشاء عن اختلاف الاديان والاجناس. كتبت موضوع وفي اخره قلت إن صحبة الورد اللي فيها أكتر من لون متجانس أجمل من الصحبة اللي كلها لون واحد. كنت لسة في ابتدائي والمدرس عجبه الموضوع واتكلم عنه كتير.

أنا حزينة قوي علشان مقلتش للمدرسين دول اد إيه هم كويسين وعمري ما حانسى فضلهم عليَّ. كنت فاكراهم عاديين. أستاذ طلعت وأستاذ منصور وابلة همت ومسز داود. أنا آسفة بجد إني ماادركتيش اد إيه أنتم مميزين.

أنا ليا أخت مش من أمي وابويا بس هي متربية معانا طول عمرها. كانت بتساعد في شغل البيت. كانت صاحبتي ومن سني علمتها القراءة والكتابه وفضلنا وراها لحد ماخدت الإعدادية. كان نفسي تكمل بس هي حبّت تشتغل وصممت تفضل تساعدنا علشان بتحبنا. اطمنا عليها وجوزناها. في يوم قالتلي إن في الشغل بتاعها اكلوا وشها علشان اتربت في بيت مسيحى وإزاي هي مستمرة في وصل الود وده ضد الدين. أنا اتجرحت رغم إني عارفة تفكيرها وحبها. بس اخيرا سمعت كلام مشابه من ناس كتير. هو فيه إيه؟

إيه اللي بيحصل في البلد دي؟ الكره ده جاي منين؟

وبعدين الطامة الكبرى تيجي لما أسمع عن حملة لمقاطعة كل ماهو مسيحي في مصر. أنا عارفة إن الغلط حصل من الناحيتين بس الحل فين؟

فوق يا مصري واعرف إن محدش حيحبك ويخاف عليك اد المصري مهما كانت ديانته.

أنا عارفة إن كلامي ملخبط وملهوش أي سياق منطقي بس بجد أنا أصْلي قلبي وجعني قوي ومش عارفة اقول إيه. آسفة إني رميت عليكي همي بس اسمحيلي اطلب منك تستخدمي قلمك المحترم من الكل في مواجهة هذه الظاهرة المخجلة. إنتي بالذات ممكن يكون ليكي تأثير قوي لان فكرك محترم من الجميع حتى معارضيك.

فكرك المتزن يستحق مساحة أكبر بكثير من مدونتك وأنا سعيدة إني اتعرفت عليكي بالصدفة البحتة. ساعديني يا تيرز في نشر رسالة حب لكل المصريين.

هو أنا ساذجة قوي لما بأحلم إن كل ده حيروح لو واحد فينا حضن التاني وقاله متزعلش أنا ممكن اكون غلطت فيك بس أنا برضه اخوك؟

مصرية من كندا

أنا

الليلُ يسألُ مَن أنا

أنا سرُّهُ القلقُ العميقُ الأسودُ

أنا صمتُهُ المتمرِّدُ

قنّعتُ كنهي بالسكونْ

ولففتُ قلبي بالظنونْ

وبقيتُ ساهمةً هنا

أرنو وتسألني القرونْ

أنا من أكون ؟

الريحُ تسألُ مَنْ أنا

أنا روحُهَا الحيرانُ أنكرني الزمانْ

أنا مثلها في لا مكان

نبقى نسيرُ ولا انتهاءْ

نبقى نمرُّ ولا بقاءْ

فإذا بلغنا المُنْحَنَى

خلناهُ خاتمةَ الشقاءْ

فإذا فضاءْ !

والدهرُ يسألُ مَنْ أنا

أنا مثله جبارةٌ أطوي عُصورْ

وأعودُ أمنحُها النشورْ

أنا أخلقُ الماضيْ البعيدْ

من فتنةِ الأملِ الرغيدْ

وأعودُ أدفنُهُ أنا 

لأصوغَ لي أمساً جديدْ 

غَدُهُ جليد 

والذاتُ تسألُ مَنْ أنا 

أنا مثلها حيرَى أحدّقُ في الظلام 

لا شيءَ يمنحُني السلامْ 

أبقى أسائلُ والجوابْ 

سيظَلّ يحجُبُه سرابْ 

وأظلّ أحسبُهُ دَنَا 

فإذا وصلتُ إليه ذابْ
 

وخبا وغابْ

                               بقلم الشاعره نازك الملائكيه

يا أمى..أحمد خالد توفيق

أعجبنى كثيرا ما كتبه أستاذ أحمد خالد توفيق

فأعتقد أنه وصف حال كل أنسان عاش هذه الحياة

و صف الحال فى كلمات رقيقه قويه 

قد لا تكون قصيده أو شعرا لبعض من الناس 

ولكنها من خواطره الذى خط بها قلمه

فعبرت عن حال الانسان فى الدنيا

قد شاب صغيرك يا أمي ..

ما عاد بريئًا يا أمي..

ولكم قد هادن وتراخى

ولكم قد نافق وتنازل ..

ولكم داهن !

!!!!!!!!!!

 صدأ الأعوام يغلفني

وغبار الرحلة يعميني ..

أبخرة التبغ مع الحسرة

تتسرب من صدري الفاني ..

حقًا

قد واجهت الدنيا ..

حقًا

قد حاربت الدنيا ..

هزمتني ..

لم أفهم هذا ..

ومضيت أغني ألحاني ..

سحقتني الدنيا لكني

لم أعلن هذا يا أمي !

!!!!!!!!!!

قد شاخ صغيرك يا أمي ..

ما عاد صغيرًا يا أمي ..

قد غادر مهدك كي يعرفْ

لكني حقًا لم أعرفْ

ابتعت فراء الحملانِ..

جربت مسوح الرهبانِ..

ولبست دروع الفرسانِ ..

لكني

ـ أقسم يا أمي _

لم  أخدع إلا مرآتي ..

حتى في ثوب الشيطانِ

لم أدرك معنى لحياتي ..

ولعمري هذي مأساتي ..

!!!!!!!!!!

سيموت صغيرك يا أمي ..

أحلام شبابي أضنته

وقروح الماضي أدمته ..

أجتاز مدينة إحباطي

إكليل العار على رأسي !

إني أحيا

حقًا أحيا !

وبرغم تخاريفي أحيا

وبكل أكاذيبي أحيا ..

وبدون طموحاتي أحيا ..

والناس جميعًا إن كانوا

قد هزموا في الدنيا مثلي .

إن كانوا قد كذبوا مثلي ..

فبأية معجزة ننسى ؟

وبأية معجزة نحيا ؟

أجيال

قد هُزمت قبلي ..

وستُهزم أجيال بعدي ..

فلماذا

ـ عفوًا يا أمي ـ

يكسوني العار أنا وحدي ؟

!!!!!!!!!!

كي أكمل هذي الأغنية

لا يوجد عمر يكفيني ..

أنواء الليل تحاصرني ..

وتضيق

تضيق

شراييني !  

أحمد خالد توفيق - 1987