ماهر زين - ان شاء الله.. بالعربى

AYB 09 Ceremony Movie (Zouba)

الفيديو قال اللى نفسه أقوله
العيب مش فى زوبه
العيب فينا

صور

لأن الصوره تحمل 1000 معنى

فحين لا أمتلك الكلمات

أدع الصور تتكلم

ـــــــــــــــــــــــــــــــــــــــ

عذرا لك يا قلم

أعلم انك تملك الحبر

عذرا لك أيتها الأوراق

أعلم انك بيضاء 

و لكنى لا أملك الكلمات

::

::

ــــــــــــــــــــــــ

يا كريم الوجه غثنى قبل أن يفنى أصطبارى

مليش غيرك يارب

::

::

ـــــــــــــــــــــــــــــــــ

مش عارفه أقول ايه لما يهون على عصفور فراق حد قريب منه

و البشر لأ

يبقى أحنا فى اى زمن؟؟

زمن ملعون

::

::

ــــــــــــــــــــــــــــ

الصراخ أحسن تعبير عن ما بداخلنا

لكنى أقصد الصراخ الذى لا يسمعه البشر

الصراخ الذى صداه يرجع لنا ولا يسمعه إلا ربى

::

::

ـــــــــــــــــــــــــ

الموسيقى بتتكلم كل اللغات

و بتعبر عن كل الأحاسيس

و بتقول دايما الحقيقه عكس كلام البشر

مليان بالكدب

::

::

ـــــــــــــــــــــــ

زمن جميييييييل

أنتمى إليه

::

::

ــــــــــــــــــــــ

كان يا مكان

؛

توتا توتا فرغت الحدوته

::

::

و الله لو عملت قرد

هيمشى هيمشى

هو الوقت طبيعته انه يعدى عليك ولا يهدى

أومال إزاى نقدر نقو خلصت الحدوته؟!

::

::

ـــــــــــــــــــــــــــ

 

أووووووف بقى

ما قلنا الحب أصبح من الموارد الغير متجدده

و لكثرة أستهلاكه أصبح نادرا

مما يعنى فرصك ان تجده شبه معدومه الآن

و معدومه و بلا أمل مستقبلا

::

::

ـــــــــــــــــــــــــــــــ

يوماً ما كنت هكذا

::

::

لكنى لم أعلم يوماً كيف انتهى بى الوضع هكذا

::

::

ـــــــــــــــــــــــــــ

لسبب ما أعشق هذه الصوره كثيرا

::

::

ـــــــــــــــــــــ

قصه من القصص

::

::

ـــــــــــــــــــــــ

كل ما اشوف البحر

أفتكر البحارين

و أقول 

مسكين البحار إلا ان قلبه كبيير سايع البحر صديق لكنه ما بيرسى يوم على يابس

بس يا ترى كده يبقى مسكين و لا ذكى؟

::

::

ـــــــــــــــــــــــــــــــــ

أحسن تستاهلى حد قالك تفتحي ليه

ما كنتى قافله القفص

بس يفيد بأيه الندم

بعد اللى حصل ما حصل؟!

::

::

ـــــــــــــــــــــــ

لو بس نبطل نبص ورانا هنرتاح

::

::

ــــــــــــــــــــــــــــــ

نفسى أنا اوى فى السقوط ده

::

::

ــــــــــــــــــــــــ

حياتنا بأختصار حرب ضد كل حاجه

أعداء من كل ناحيه

الشيطان,الدنيا,البشر

::

::

بس ألعن حرب هى الحرب ضد نفسنا!!

و لأن بعض الحروب لا تنتهى سنظل نحمل سلاحاً

بشكلِ او بآخر

بالرغم من إننا كلنا منهكون

 ::

::

و أصبح من الصعببب

مد يد العون لبعضنا البعض

مع اننا 

نغرق نغرق نغرق

::
::

و لأن كلماتى أنهكها

الحزن و الفراق

و كل المشاعر المظلمه

و الزكريات الحارقه

التى أصبحوا الحال الدائم من حولها

فسيظل الحبر داخل القلم

و ستظل الأوراق بيضاااء

هواء,ماء,تراب,نار

كلنا عارفين أن عناصر الارض 4 هواء,ماء,تراب,نار

طيب شوفتوا فيلم اسمه the last air bender 

الفيلم ده جعلنى أرى شيئا ان أضعف عنصر فيهم هو النار لأن ممكن يخمد من قبل العناصر الباقيه

و أن أقوى عنصر فيهم هو الهواء لأنه ممكن يتحكم او يغير من طبيعة الثلاث عناصر الباقيه

بأستطاعته يخمد النار...و يغير من حالة الماء(المد و الجزر)...و يحول التراب لطين أو يعمل منه عاصفه ترابيه

فعلااعتقادنا فى ان النار أقوى من التلات عناصر و أن الهواء هو أضعفهم هو لأكبر أعتقاد خاطىء

يمكن لأن ارتبط أعتقادنا بما قاله المنجمون و أصحاب الفلك عن أبراجنا و نجومنا و إلى أين ننتمى من التلات عناصر

فقد قالوا ان الشخص النارى هو شخص حاد الطباع و أن الهوائى هو من يتحكم فيه هوائه

و لكنهم لم يذكروا أن الشخص النارى قابل ان يتحكم فيه شخص ينتمى إلى أى من ال3 عناصر الباقيه

بالرغم أن  الهواء هو الأقوى إلا أنى أحترم الماء كثيرا و أفضل قدراته لسبب ما او لآخر

( بيعجبنى فيه أصراره على تفتيت الصخر من خلال موج البحر.)

المهم ان يبقى السؤال اى عنصر تفضلون أكثرو لما؟؟؟

الليمون و الحب

حوار بين 3بنات ن/س/ل
ن:أنتى يابنتى لحقتى تنسى اللى قبليه ده معدش غير 5شهور على أنفصالكوا
و كنتى بتقولى برده انكوا بتحبوا بعض تفتكرى ده هيختلف عن غيره فى ايه
هتبقى نفس النتيجه عياط و انهيار و قلب مكسور ينوبك أيه بس من ده كله
س/يابنتى انتى مش فهمانى مفيش حد فاهمنى أنا عمرى ما هنسى حد مفيش حد بينسى حد و خصوصا لو كنتى بتحبى الحد ده فبيقبى صعب تنسيه

بس أنا دايما بشوف الحب زى اللمون
ل/هههههههه لمون أنتى بتهزرى بقى
س/يا جماعه مش بهزر لأ

عارفين اللمونه الصفراء, الطازجه

اللى تغرينا نمسكها و نستنشق عبيرها النفاذ ده

 ريحتها اللى تنعنش الروح والقلب والعقل

و من غير ما نشعر نبقى عايزين نتذوقها 

و أول ما نضع لسانا و نتزوق العصاره المززه بشكل رهيب و ممتعه بشكل غريب

فتحصل قشعريره بالجسم تجعل كل الحواس تستيقظ و تنتصب

وبسرعه يضيع الاحساس ده كله

و نلاقى الباقى هو الطعم المزز الرهيب

اللى يخلينا نقول أحنا ليه تذوقناها بس

و بعد فتره تضيع المزازه و الطعم ده

و تغرينا من جديد لمونه صفراء,طازجه

هو الحب كده بالظبط

اول مانلاقى حد مناسب جدا نشوفه زى اللمونه ديه تمام

و نروح ونقرب و ندوق و ندوب وننعش حواسنا و أروحانا

و من غير ما نحس نلاقينا أتعلقنا بالأنسان ده ودوقناه=حبيناه

و اتمتعنا بطعمه اللى هى أحلى ايام قضناها معاه

 وبعد كده تحصل لحظة الفراق اللى هى المزازه بتاعت الحب

و يانندم ونقول ليه بس تذوقناه=عشنا أيامه

يا نقول أيام حلوه وعدت

 و بعد فتره نتأقلم مع ألمنا و نتناساه

و لو كنا محظوظين كفايه نلاقى حد مناسب تانى=لمونه صفراء تانيه

تغرينا من جديد و تحيينا من جديد

وفى كل مره نروح لليمونه أقصد الحب يعنى نبقى شايلين أمل جوانا

أن ديه اللمونه اللى هتكون معسله مش مززه و مهما شربت منها مش هتخلص

أن ده الحب الحقيقى اللى هيدوم مهما حصل

اللمون و الحب واحد مع اننا عارفين العواقب بنروح ليه برده

لإن أحتياجنا إننا نحى قلبنا أكبر و ننعش روحنا 

من أحتياجتنا الاساسيه التى تفرضها علينا إنسانيتنا........
ن,ل/...مممممممم.....تصدقى خليتنا عايزين نشرب عصير لمون دلوقت

             ~~قصه تحمل مجرد رأى~~

قد حان الوقت

و همست له قائله:

لا يا عزيزى

لا تتمسك بى هكذا و تعطينى الورود
فقد حانت لحظة الفراق بيننا
قد لا تكون توقعت هذه اللحظه
فأنت لا تتنبأ بالمستقبل
أما أنا فعرفت ان هذه اللحظه قد تأتى
ليس لأنى أتنبأ بالمستقبل
بل لأنى أعلم ما هو الحب
وإن ما كان بيننا لم يكن حبا

 فقط محاوله كى نحب
            كى نصل إلى هذا الشعور الممتع المؤلم اللذيذ        
لا ترجونى ان ابقى فقد حان موعد الرحيل
قد حاولت كثيرا و لكنى لم أقوى على البقاء
قد حاولت ان أشعر ما قد يبقينى معك
ولكنك لم تعطينى اياه
قد حاولت ان أجعلك
دفائى من برد الشتاء
حمايتى من حر الصيف
قوتى حين تهب الريح لتقتلع جزورى
قد حاولت ان أسقيك من حنانى جرعات
كى أشعر بأمانك و أنا بين زراعيك
و لكنك لم تعطينى هذا الأمان
لم تعطينى ما أنشده
الذى به أستطيع ان اصل
إلى الشعور الذى نتمناه
إلى الحب

أتركنا نذهب و نبقى مجرد زكرى 

أتركنا نذهب و لا تنظر للوراء 

لا تبحث عنى فى زكريات ماضيك

او أفعال حاضرك 

او أحلام مستقبلك

فهذا لن يعيدنى

أمضى قدما فأنا لم أعد ملكك و أنت لم تعد لى

ولا تتذكرنى بالمرأه التى تركتك وحيد

بل تذكرنى بالمرأه التى حاولت كثيرا

ان تحب

                                      ~~قصه قصيره~~

صرخه مصريه من كندا

المو ضوع هذا منقول من مونة دموع قد تكون حزن أو فرح بعد موافقه صاحبة الموضوع على نشرى له. حبيت أنشره لأنه يجب أن يسمع

و الحوار ده بين صاحبة المدونه تيرز ومواطنه مصريه مسيحيه بكندا.


وصلتنى الرسالة اسفل و وجدت انه من الافضل عرضها عليكم بعد ان استئذنت صاحبتها

تيرز العزيزة

الرسالة دي بكتبها وأنا في حالة غير عادية وممكن أكون مشتتة وكلامي مش واضح. أنا حزينة جدا لدرجة مرعبة. حزينة على بلدي اللي بحبها قوي. حزينة على الكره بين أهل البلد الواحد. أنا خايفة قوي على مصر يا تيرز. مصر اللي عرفتها وانا صغيرة. اتربيت في بيت مسيحي عادي. دلوقت بس ادركت ان معظم أصحابنا مسلمين. عمري ماسمعت أي تعليق عن الحكاية دي في بيتنا. لما أبويا مات معظم اللي وقفوا جنبنا كانوا مسلمين أصحاب وجيران وقفوا جنبنا بكل حب.

بأفتكر صاحبتي في المدرسة اللي اكلت عندها أحلى طبق فول وخيار مخلل. كنت في بيتها وهم بيصلوا وراحت معايا الكنيسة علشان كانت بتحب وعظة كاهن مليانة حب وسلام. كنت باستغرب لما كانت بتعيط وهي بتسمع الوعظة. لا أنا بقيت مسلمة ولا هي بقت مسيحية بس أكيد بقينا ناس أحسن.

بأفتكر اليوم المنيل لما قلت تعليق عن سلوكيات واحدة جارتنا كانت راقصة ويومها سمعت من أمي المتحفظة ما لم يسرني وإزاي كانت مصدومة من حكمي على الناس وإزاي قالتلي إن جارتنا دي دايما بتصبح علينا لما تشوفنا وإزاي كانت مشغولة على اخويا في أيام حرب أكتوبر. وده برده فكرني بالجواب الصغير الوحيد اللي بعته اخويا ومحتفظة به من أيام الحرب وكان بيقول فيه بكتب لكم من قطعة عزيزة من أرض مصر. كان طبعا بيقصد سيناء. بافكر ممكن كنت أحس بايه دلوقت لو كان استشهد وانا باسمع إننا مش مصريين وضيوف على البلد دي.

بأفتكر مرة واحد صاحبنا بعد مناقشة معايا قاللي إنه ماكانش يفتكر إن المسيحيين بيحبوا مصر بالشكل ده. كان فاكر إني حافرح وماكانش عارف اد إيه جرحني لما خلاني اواجه الواقع المر إن الناس شايفانا مش مصريين كفاية.

بأفتكر الكوافير اللي كان لازم يقوللي وانا باديله الفلوس (إنشالله تسلمي) وانا اقوله (ده بعدك) وواحدة تقولي اسلمي وانا اجوزك ابني ونضحك وكل الستات المسلمين في المحل يضحكوا بدون حساسيات.

بأفتكر أيام المدرسة لما ماكانش فيه مدرس دين مسيحي لفترة وسابوني اتواجد في حصص الدين الإسلامي. كنت بحفظ كويس وابويا قاللي القران حيخليكي كويسة في اللغة. لما كان حد من الطلبة ميعرفش يقول السورة كان المدرس يطلب مني اقولها ويبهدل الطالب ويقوله المسيحية حافظة أحسن منك.

بأفتكر لما طلب منا نكتب موضوع انشاء عن اختلاف الاديان والاجناس. كتبت موضوع وفي اخره قلت إن صحبة الورد اللي فيها أكتر من لون متجانس أجمل من الصحبة اللي كلها لون واحد. كنت لسة في ابتدائي والمدرس عجبه الموضوع واتكلم عنه كتير.

أنا حزينة قوي علشان مقلتش للمدرسين دول اد إيه هم كويسين وعمري ما حانسى فضلهم عليَّ. كنت فاكراهم عاديين. أستاذ طلعت وأستاذ منصور وابلة همت ومسز داود. أنا آسفة بجد إني ماادركتيش اد إيه أنتم مميزين.

أنا ليا أخت مش من أمي وابويا بس هي متربية معانا طول عمرها. كانت بتساعد في شغل البيت. كانت صاحبتي ومن سني علمتها القراءة والكتابه وفضلنا وراها لحد ماخدت الإعدادية. كان نفسي تكمل بس هي حبّت تشتغل وصممت تفضل تساعدنا علشان بتحبنا. اطمنا عليها وجوزناها. في يوم قالتلي إن في الشغل بتاعها اكلوا وشها علشان اتربت في بيت مسيحى وإزاي هي مستمرة في وصل الود وده ضد الدين. أنا اتجرحت رغم إني عارفة تفكيرها وحبها. بس اخيرا سمعت كلام مشابه من ناس كتير. هو فيه إيه؟

إيه اللي بيحصل في البلد دي؟ الكره ده جاي منين؟

وبعدين الطامة الكبرى تيجي لما أسمع عن حملة لمقاطعة كل ماهو مسيحي في مصر. أنا عارفة إن الغلط حصل من الناحيتين بس الحل فين؟

فوق يا مصري واعرف إن محدش حيحبك ويخاف عليك اد المصري مهما كانت ديانته.

أنا عارفة إن كلامي ملخبط وملهوش أي سياق منطقي بس بجد أنا أصْلي قلبي وجعني قوي ومش عارفة اقول إيه. آسفة إني رميت عليكي همي بس اسمحيلي اطلب منك تستخدمي قلمك المحترم من الكل في مواجهة هذه الظاهرة المخجلة. إنتي بالذات ممكن يكون ليكي تأثير قوي لان فكرك محترم من الجميع حتى معارضيك.

فكرك المتزن يستحق مساحة أكبر بكثير من مدونتك وأنا سعيدة إني اتعرفت عليكي بالصدفة البحتة. ساعديني يا تيرز في نشر رسالة حب لكل المصريين.

هو أنا ساذجة قوي لما بأحلم إن كل ده حيروح لو واحد فينا حضن التاني وقاله متزعلش أنا ممكن اكون غلطت فيك بس أنا برضه اخوك؟

مصرية من كندا

شباب الجيل

بيقولوا شباب الجيل الصاعد و اوعى

بيقولوا أحنا اللى هنغير المستقبل

بس ما يعرفوش أن زمانا مبقاش فيه بركه

و أن الجنيه الجبس بقى قرش فضه

بيقولوا شباب الجيل الصاعد و أوعى

بيقولوا أحنا اللى هنغير المستقبل

طب أزاى و أنا قاعد على القهوه؟!

و مفيش فى جيبى قرش فضه

بيقولوا بكره تطور و أحسن

طب أزاى و مفيش النهارده

يقولوا كتير و لا يقولوا قليل

أنا خلاص شقيت هدومى و نسيت 

الحلم اللى عليه اتربيت

قهوه و لا رصيف ماعدتش فارقه كتير

أنا بس صعبان حلم أبويا و امى يفرحوا بيا

و أنهم يشوفونى فى حته غير القهوه اللى انا قاعد عليها ديا

لا و يقولوا تنظيم نسل و كأن لسه فى نسل ليا

يا جماعه فوقوا و امسكوا قضيه تانيه

هو فيه جواز علشان يبقى فيه نسل يا

لبانه ماضغوها و بقت مره

ليه مايرموهاش معرفش و الله

أعمل ايه بضرب كف على كف و أقول على الله

سعيت و ملقتش يا الله

أهجرها ياعنى و لا أفضل قاعد على القهوه؟؟!!

بيقولوا شباب الجيل الصاعد و اوعى

بيقولوا أحنا اللى هنغير المستقبل 

و أنا بقول على الله

                         ~~شىء أتمنى يكون من الماضى~~

قاعدة بنات

و لما مريت على مكانا دخلت وقعدت مكنتش متصوره ان الجرسون هيفتكرنى بعد العمر ده 

و لقيته بيسألنى أنتوا فين مبقتوش بتيجوا عندنا ليه ده المكان كان بينور بيكوا و ليكوا

و أخد طلبى المعتاد مج كابتشينوا بس ايه عال العال

و سرحت مع المطر المتساقط بالخارج ومع كل رشفة كابتشينو أفتكر يوم من أيامنا

بعد الجامعه نيجى هنا ناكل و نشرب نتكلم كلام بنات و نحكى عن مين قال و مين عاد

 و أيام أجازتنا نيجى مع بعضنا نفك خنقتنا

و ياما عملنا هنا أعياد ميلادنا مع بعضنا

و ضحكنا كان يرج المكان و على الطاوله ديه حلينا مشاااكل زمان

و كانت دايما أكبر مشاكلنا أزاى نفضل مع بعض من غير ما حد يفرقنا

و أخدنا على نفسنا عهود مهما طال بينا البعد نسأل و نزور بعض

و نفضل اربع بنات رابطتهم اقوى من رابطة الدم

و نحافظ دايما على قعدتنا على الطاوله ديا نحافظ على قاعدة البنات

علشان نحافظ بيها علينا و على أحلامنا 

كنا زى اى بنات بنحلم بالفارس الهمام و الاطفال الجمال

و ازاى نعلم اولادنا من بعدنا ان الرفيق قبل الطريق علشان يعينكوا على مشوار الحياة

و نكون احنا مثل ليهم موعظه يعيشوا بيها

بس اللى جرالنا مكان على بالنا 

زى اى حاجه حلوه فى الزمن ده

لازم تموت و طعمها يصبح مر

علشان ماتت مننا واحده من سواق ملعون

جايا ببشرى خطوبتها تفرح بيها صحباتها

و بعد موتها حولنا كتير نكون زى الاول

بس مقدرناش ضلع منا انكسر ومات

و أصبح فى عيونا مفيش غير زكريات

و فراغ مسدتوش الايام 

و دموع مجفتش ابداً و حسره جوانا دايمه

و مع الوقت أنكسروا البنات

طلعنا مكناش بس بنتحدى ظروف الحياة

طلعنا كمان بنتحدى الاقدار

و تلاشت قعدتنا و فرقنا الزمان

جيت ليه و مريت من هنا ليه معرفش؟

بس أخدنى حنين أيام صبانا و فرحنا

أيام كنا فيها فى قاعدة بنات

و سؤال عن احوال من فرقنى عنهم الزمان

                                                                                                                                   قصه قصيره