من يحميها

فى حياتها الأخرى....لا يهم
حياتها السابقه, القادمه, أو الحاليه
هناك رجل يَدعى إنهُ حَميها
أُليس مثير للسخرية
أن يكون من يحميها
هو نفسه من يؤذيها!!!
لذا يبقى السؤال...
....لِما البقــاء؟؟؟

يلومونى و يعاتبونى

يلومونى على حبك فى قلبى
يعاتبونى على ذكرى ماسكها بيدى
يلومنى على دفاعى عنك

على بعدك و جفاك
يلومونى و يعاتبونى
و أدافع أنا عنك و أطلعك ملاك
و أنا فى حيره يا حبيبى ولا كنت حبيبى؟!

و أنا فى حيره يا صديقى ولا كنت صديقى؟!

و الماضى يلف معايا يلف
و يقول...مش معقول...كده يروح

 يقسى وكمان ينسى
طب أبعت سلام ولا كلام
تصبرنى على الأيام
 تحيي فيا هواك
و تطرد كل الشكوك

تقطع كل لسان يقول عليك شيطاااااان

تكنش فعلا روحت و نسيت كل اللى كان ؟؟!

لا أنعكاس

تنظر إلى المرآه ولا ترى أنعكاسها

فلا تهلع أو تضطرب فهى تعلم السبب

كل كلمات الأغانى قد حزرتها

من أختفاء ظلها

كل مشاهد الأفلام أنذرتها

من تلاشى نفسها

فلم تأبه و مضت أليه

عاشت له أرضاء له

فتلاشت هى فيه

 نست أنها كانت لها كيان

فأصبح كيانها هو

حتى ضاعت هى

مضت فى الحب بشجاعه

و ما كانت شجاعتها

 إلا حبة حماقه و قلب نارى

أحب بأخلاص

فأحترق حتى أصبح رماد

تنظر إلى المرآه فتتنهد

لا تهلع و لا تضطرب

....فقط تتنهد....

أحبك

منذ أن بدأ حدث الكتابه و أريد أن أكتب عنك و لك
و حتى الآن أمسك القلم فأراه يكتب أحبك لا كلمه أخرى تليها أو تسبقها
قد لا تكون هناك كلمات كافيه لتصفك فلا أوفيك حقك
و لا توجد غير أحبك تصف ما بيننا

أحبك فأراك آمالى و أرى فيك أحلامى
أحبك فأراك أمانى و أجد فيك قوتى

أحبك فأراك بطل حياتى و أجدنى أميرة قلبك
أحبك فأراك اب لطفولتى و أب لأولادى
أحبك فأراك إمام لى و إمام لبيتى
أحبك فأرى طاعت ربى فيك و طريقا لدخول الجنة
 أحبك فيتردد فى ذهنى قول جبران
" الذين يدركون خبايا أنفسنا يأسرون شيئا منها "
فقد أدركت خباياى فأسرت كل طيات روحى

أحبك فرحا أحبك حزنا
أحبك داءً أحبك دواءً
أحبك قلباً و عقلاً
أحبك كما أنت

♥ لذا شكرا لأنك أنت ♥

طباخ شرقى ماهر

فلفل , شطه , ملح وكمون
بطسطايه حلوه طازه من التربة
و الطباخ كان ماهر
ركز معايا بقول كان ماهر
قطفها بحرص شديد
و قرر يكلها مهروسة
و هى ما منعتش
أصلها عارفه قدرها
يا محمره يا مقلية أو مهروسة
يعنى هتتاكل هتتاكل
أخدها الطباخ وسلقها
قالتله عينك عليا لأتسلق جامد
أخد الكلام و راح عمل سلطه
طلعت من المايه مسلوقه زياده شويه
قالها معلش قالت ميضرش
خد بالك بس من الفلفل و الشطه
و أوعى تزود ملح لأبوظ
و كتر من الكمون أصله مكون مضمون
مفيد و حلو للبطون
أخد كلامها و قال أنا طباخ شرقى تمام
و أحب كتير البهارات
زود فلفل زود شطة كتر ملح و نسى الكمون
والأكلة بقت حاميه عليه
و البطسطايه بقت تشعوط نار
 وتقول كمون فين الكمون
فين المايه تطفى النار
عند و صمم ياكل فتعب يا عينى عليه
و البطاسطايه ياعينى عليها
 كانت طازه بقت مهروسه
و هو كان طباخ شرقى ماهر
أستكبر يسمع كلام بطسطايه
ولع فيها و ولعت فيه
 يبقى أكيد كده خالصين


ملحوظه: الطباخ: هو الرجل الشرقى
        البطسطايه: هى المرأة الشرقية
        الفلفل: هو القلق / الشطه: هى الغيره
      الملح: هو الخوف عليها /  و الكمون : هو الرومانسيه