فلفل , شطه , ملح وكمون
بطسطايه حلوه طازه من التربة
و الطباخ كان ماهر
ركز معايا بقول كان ماهر
قطفها بحرص شديد
و قرر يكلها مهروسة
و هى ما منعتش
أصلها عارفه قدرها
يا محمره يا مقلية أو مهروسة
يعنى هتتاكل هتتاكل
أخدها الطباخ وسلقها
قالتله عينك عليا لأتسلق جامد
أخد الكلام و راح عمل سلطه
طلعت من المايه مسلوقه زياده شويه
قالها معلش قالت ميضرش
خد بالك بس من الفلفل و الشطه
و أوعى تزود ملح لأبوظ
و كتر من الكمون أصله مكون مضمون
مفيد و حلو للبطون
أخد كلامها و قال أنا طباخ شرقى تمام
و أحب كتير البهارات
زود فلفل زود شطة كتر ملح و نسى الكمون
والأكلة بقت حاميه عليه
و البطسطايه بقت تشعوط نار
وتقول كمون فين الكمون
فين المايه تطفى النار
عند و صمم ياكل فتعب يا عينى عليه
و البطاسطايه ياعينى عليها
كانت طازه بقت مهروسه
و هو كان طباخ شرقى ماهر
أستكبر يسمع كلام بطسطايه
ولع فيها و ولعت فيه
يبقى أكيد كده خالصين
ملحوظه: الطباخ: هو الرجل الشرقى
البطسطايه: هى المرأة الشرقية
الفلفل: هو القلق / الشطه: هى الغيره
الملح: هو الخوف عليها / و الكمون : هو الرومانسيه
هناك 9 تعليقات:
التدوينة جميلة أوي
حسيت بالبطاساية عشان أنا زيها وأنتي وغيرنا،،، والمشكلة في الطباخ الماهر ده!
بس هاقولك ملحوظة،،
لو لغيني المفاتيح اللي في الاخر
اللي فكيتي بيها رمزية البوست،، هاتبقى احلى بكتر،،، خلي خيال القارئ يشتغل،، ويفكر ويسقط براحته :)
طبعا انا غلسة
عشان اول مرة هنا ادي ملحوظة
بس اناعجبتني اوي وحبيت انها تكون احلى واحلى،،، معلش بقى استحملني مهي دي ضريه التدوين اليومي،، سعيدة جدا بالتعرف على مدونتك،، دمتي مبدعة
أنا أسعد يا رحاب يا عسل
قصدى بالملحوظه بمنتهى الشجاعه كل رجل ممكن يقرأ التدوينه كأنى بقوله شوف عندك بيوصل لفين ::))
ياسلام علي الخلطة :)
أجمل شئ في طبخطتك دي انها بتطبخ في كل بيت !!..جميل..في انتظار جديك
الطبخه اليوميه الابديه فى كل بيت
تسلم ايدك
أيه الجميله أول مره أزور مدونتك و أكيد لي زيارات تانيه كتييير :)
البوست حلو و صحيح...مع عدم إعجابي بفكرة إن المرأة أكل بس لو إعتبرنا كده يبقى الطباخ عادة فاشل لو جرب يحط التوابل بدون كمون.
عايزين كمون كتير بقى :)
تحياتي و كل الود ليكي
محمد
شكرا على مرورك
أحمد
هى فعلا بتتعمل فى معظم البيوت المصريه وده شىء سيىء مش حلو .
بنوتى :)
تسلمى أنتى على مرورك
الدكتوره شيرين :)
أولا نورتينى
ثانيا أنا برده مش عجبانى انها طبخه بس كان التشبيه نابع من أن الست لو مأخدتش مكونات الحياة صح من زوجها هتحصل مشاكل
و بضم صوتى ليكى الكمون مكون هاااااااااام :)
ثالثا هستناكى تنورينى تانى
شكرا ليكوا جمعا على المرور و التعليق
ليه بس فضحتي الرمزية كنتي تسيبيها
جميلة جدا الخاطرة و بسم الله ما شاء الله عليكِ أبدعتي في الفكرة و طريقة السرد الشيقة
جميلة جدا
تسلم يا مصطفى دى شهادة أعتز بيها جداا
إرسال تعليق