زيك يا بحر مر عليا رحالة
منهم زارونى و منهم ناسونى
زيك يابحر
كتير يشكولى و لا حد أشكيله
زيك يابحر
بشتاق للسندباد و حكاياتى معاه
زيك يا بحر
فى الشمس أفرح و أفتحلها درعاتى
و فى الليل أسود و توجعنى ذكرياتى
زيك يا بحر
جوايا جمال بداريه بأمواج
لجل ما حد يستضعفنى
زيك يا بحر
هجرنى كتير ناس فخونت كل الناس
غرقت كل الناس و مأمنتش لحد
هناك 6 تعليقات:
زيك يا بحر جوايا كتير محدش بيحس بيه
زيك يا بحر كنوزي غامضة محدش بيشوفها
زيك يا بحر احلامي بتغرق جوايا
زيك يا بحر باحلم ابقى سما عالية باتلون بلونها لكن مكتوب عليا افضل تحت
خاطرة في منتهى الجمال
غلبيتنى كده يا مصطفى :)
ميرسى على زوقك
زيك يا بحر
فى الشمس أفرح و أفتحلها درعاتى
و فى الليل أسود و توجعنى ذكرياتى
الله ايه الجمال دة توحفه يا آيه
قعدى فترة مختفيه
بس رجعتى متعتينا بيجد :)
استمرى بقي
تسلمى يا رونا
و الله أخجلتم توضعنا
بجد حلووووة كتير من هنا لحد أسكندرية!
شكرا سابرينا على زوقك
إرسال تعليق