السقوط

دمعه متحجره فى عينى تأبى النزول
شىء ما على قلبى يأبى التحرك
تتباطأ أنفاسى تكاد أن تتلاشى
لا أملك القوى على طلب المساعده
صرخاتى تأبى أن تدوى فى الأرجاء
الإنهزام كل ما أشعر به
الاستسلام كل ما أريده

ثم السقوط فى الهاويه المظلمه
أخشاه كثيرا..أهواه كثيرا..أريده بشده
ذاك التحرر من القيود....
قيود الحياة..قيود البقاء..قيود العقل
و جنون القلب

 

 و فى السقوط أجِدُنى
أَجِد حريتى..أَجِد بسمتى
أَجِد خوفى..أَجِد أمانى
أَجِد راحتى..أَجِد نفسى
أسمع نبض قلبى
و أتذكر أسباب الحياة 
فأبتسم و أفرد زراعى كالطير
حينها تَدوى صرخاتى الأرجاء
و أستمتع بصوتها
برجتها للمكان
 

ثم الهدوووووووووووووووء...و يكتب على قبرى ماتت من أجل بضعة صرخات

                                                                     شىء من الماضى       

قلب اهبل جميل ضعيف

لا مش هنرجعله انت نسيت يا قلبى عهدك

مَن بكينا عليه سيبناه, و مَن بكاك نسيناه

متقليش ديه صعبه وياه, هيفرق ايه عن اللى عدوا عليك قبله
اهو واحد تانى دخل علشان يخرج من حياتك

أقوى بقى متبقاش اهبل ضعيف, شوف حياتك وعيش
ده إٍنت مِش فَارق معاه

نفسى تتعلم مَدخلش حد تانى جواك, نفسى تفهم محدش هيحافظ عليك غيرك

ليه مصدق كدبة الحب والعشره, صدقنى مبقاش حد يصونهم فى الزمن ده

و آدى الطيب اللى افتكرته ملاك حنين, من جواه مش فارق انت معاه
طلع بيبع زى القاسى الخاين تمام

نفسى اشوفك مره قاسى و شجاع تمشى و لا تبص وراك
و متفكرش فى اللى عديت عليهم, ربهم ربك و هو احن عنك عليهم

و أديك ياسيدى بقى جواك جرح معلم, وحَسبوا عليك قصة حب يا معلم
علشان محدش حوليك يستغرب اد ايه انت ابيض

قصر الكلام

شوف حياتك و عيش, كان القرب من الناس فادك فى ايه
خسرك يا اهبل كتير

عيش وحيد مع ربك وقوله يااارب ترتاح, عيش وسط الناس تزيد نفسك الم وجراح

                    ~ شىء هيكون من الماضى~

بشتاقلك

حبيبى مشتاقه ليك جمبى
حبيبى عارفه انك مبقتش ملكى
بس أعمل ايه غصب عنى مشتقالك
ياللى هاجرنى سايبنى لوحدى
بعانى مع زكرياتى وياك وحدى
ليه مش قادره انساك ليه؟
ليه بشتاقلك بس ليه؟
تعابلى حالى و لا راضى تروح من بالى
كل مكان وياك بشوفنى
مشتاقه لنفسى وياك
لكل وقت عشته معاك
أعمل ايه؟ مش قادره أنساك
و لاااازلت اااااااااااااه بشتاقلك

قد كنت

قد كنت
والآن أصبحت
لا احب ما أصبحت
ولكنى احب ما كنت
وكيف ما كان يصبح ان يكون الآن
فما كان ولاى مع الأيام
ولكن لا يمنع انى احن لما كنت
و قد قلتها بكل صراحه لا أحب ما أصبحت
و يا كان ما كان
لما لا تريد ان تصبح ؟
لما لا تريد ان تكن؟
لما ذهبت مع الأيام؟
لما اجبرتنى ان أقول لك الوداع؟
لم اكرهك قط
ولازالت زراعى مفتوحه بالأمال
أن اكون كما كنت
ويذهب ما عليه أصبحت
بالرغم انه مستحيل
ولكن ما أحيا عليه هى بضعة أماااال

2 عاشقين

أحكيلك يا زمان على قصة 2 عاشقين
أمنوا للحب وقالوا هيعيش لسنين
غمضوا عنيهم و غنوا أغانى الحبيبين
و حصل النصيب و بعدوا سنين
و جه يوم جات العين فى العين
...ابتسموا و أخدهم الحنين
و للحظه أفتكروا تانى سكة العاشقين
بس بعد ايه بعد ما بقوش مأمنين
و نصيب كل واحد فيهم بقى لاثنين تانيين
دمعت عنيهم لما حسوا بالحنين
قالوا اهو نصيب طلع ما فيش وجود للعاشقين
و ديه يا زمان قصة 2 عاشقين