مشتاقة ليك

مشتاقه ليك لضى عنيك

لأحلام بنيناها 

عمرنا ما نسيناها

حققنا منها كتيير

مشتاقه ليك لحضن أديك

لسنين عدت علينا

عمرنا منها ما أشتكينا

مشتاقه ليك لنبض قلبك

اللى رسمنا بيه

عالم ليا و ليك

مشتاقه ليك لكلمة بحبك

اللى بيها لونا الطريق

و أعلنا الفرح سبيل

مشتاقه ليك

و لو تعرف

هتفضل ليا دايما صديق

عمرك ما فى يوم هتبعد

و تفضل ليا قريب و حبيب

رساله إليها

إليها فقط كل الود الحب الصفاء 

 هى البراءة و الهدؤ

معها تكن الحياة

بها تحلو الأيام

هى المعلم

آلتى للسفر عبر الماضى

وسيلتى للمرور بالحاضر إلى المستقبل

هى الأحلام

بصمتى فى الحياة

تذكرتى للجنة

دعمى عند الكبر

هى أبنتى